De nowwe opzet beej de vuuërstellinge van de Boonte Aovendje en de Boonte Femiliê Middige van vuuërig jaor és ’n groeët succes gebliêke. Det kwoôm neet alleîn nao vuuëre in de groeëter cohesie en samewêrking tösse de artieste van dieës twieë geledinge, mer ouch tösse de artieste en de daelnemers uut de ânger groepieëringe.
Ouch dit jaor gaon vae as Stadsvastelaovendjvereîniging De Rogstaekers op dezellefdje voôt wiêter en hebbe ’n reeks Boonte Aovendje gepléndj woeë dejjae kuntj geneête van ’ne aovendj vôl lôl en flawwekeûl mér ouch zînge en dânse!
Ónger de titel “Hotel op Stêlte” brînge vae ’n spectaculair mix van lôl, meziek en bewieëging daejjae neet wiltj misse. Berédj uch vuuër op ’ne energieke aovendj woeë de grenze tösse lache en meziek waere vervaagtj en woeë de dânsvloer ’t podium és van de lolligste en mieëst verrassendje momênte.
Mét ’ne cast van talêntvôlle artieste en ’ne aovendj vôl lôl en flawwekeûl beloeëve vae uch ’n ervaring di-j uch nog lânk zâl beejbliêve. Affeîn:
Check in vör lôl en flawwekûl
Berédj uch ouch vuuër op ’ne middig vôl lôl en flawwekeûl. In oeëze Boonte Femiêlie Middig stieët alles in 't teîke van ’ne gewéldjige tiêd vör jônk en aod. De vrolikke show zitj vôl mét lôl, aanstaekelikke meziek en zörgtj vör ’ne magische ervaring woeë dét de hieël femiêlie van kân kaome geneête.
Binnekort startj de kaartverkoûp!
't Programma:
- Woonsdigmiddig 14 jannewarie 2026: Boonte Femiêlie Middig, 15:30 oor
- Donderdig 15 jannewarie 2026: Boonte Aovendj mét uutreiking van 't Kammeräödje, 19:49 oor
- Vriêdig 16 jannewarie 2026: Boonte Aovendj mét nacht vanne Artiest - fieëstaovendj met DJ, 19:49 oor
- Zaoterdigmiddig 17 jannewarie 2026: Boonte Femiêlie Middig mét uutroping 74e Jeugdpreens, 13:00 oor
- Zaoterdigaovendj 17 jannewarie 2026: Boonte Aovendj Galavuuërstelling mét uutroping 80e Stadspreens, 19:49 oor
(vuuërontvangst 18:30 oor) - Zoondigmiddig 18 jannewarie 2026: Boonte Aovendj (matinee), 13:00 oor
- Zoondigaovendj 18 jannewarie 2026: Boonte Aovendj (aovendj), 19:49 oor
♦ Boonte Aovendj Artieste
♦ Boonte Femiêlie Middig Artieste
♦ De B.O.V.A.G.
♦ One In Motion
♦ Manoeuvre
