Effe wat historie oeëver de Rogstaekerslegende
In 1897 woeërt in Wieërt vör 't ieërst 'ne groeëte carnavalsoptocht gehaoje mét as thema de Rogstaekerslegende. Wieërtenaar Henri Schaeken maakdje in opdracht van drökkeri-j Smeets in 1897 'n aquarel met 12 taferieële van dieës legende met eder e twieëregelig óngerschrift.
In 't programmabukske uut 1897 staon twieë lidjes in dialect. In 't lidje "De Weerter Jonges" mét tekst van G. Dreesen (op e bekindje wiês) kaome twieë regels vuuër: "Vè zeen as rogstèkers gebore, Lève den Rog! Viva oos Weert!" En det és dus de hymne, di-j vae noow nog altiêd gruuëts zînge.
De mieëste van os kinne di-j taferieële waal in de volgorde, zoeë wi-j di-j ouch op dieës website staon, dus ieërst regel 1 en dan regel 2.
Kliktj op 't plaetje um de legende te bekieke,
zoeë wi-j ze op dieës website stieët.
Mer det és de volgorde, zoeë wi-j Henri Linskens van de geliêknamige drökkeri-j en schriêver van de Rogstèkers Operette uut 1929 de legende hieët aafgebieëldj.
(laesj heej mieër oeëver op: https://weertisveranderd.nl/2024/04/05/1970-drukkerij-linskens/)
Legende op beerviltjes
Umdet Wieërt dit jaor de titel "Europese Cultuur- en Carnavalsstad 2025" veurtj, hieët Art-is Communicatiebureau de originieële taferieële ingekluuërdj en in de oorspronkelike volgorde op beerviltjes laote vastlégke en ze versprèdj oeëver völ kefees in de Wieërter binnestad.
Ge kuntj de viltjes tieëgekaome beej de volgendje kefees: De Hook, Ut Kruuënke, Vreug of laat, De Gruijter, De SooS, De Umbelder, ‘t Swaentje, Du Commerce, De Tramhalt, Antje van de Statie, Taverne de Oude Munt en Jack's Pub.
