De létste Boonte Aovendj van 2025 op zoondig 2 fibberwarie és ouch vör Rosan Camp de létste Boonte Aovendj gewaesj.
’t Dook és definitief gevalle vör Rosan, det al vanaaf 1987 naw betrokke és beej de Wieërter vastelaovendj en speciaal dae van de Rogstaekers. As kleîn maegtje koeëm Rosan al in aanraking mét de Boonte Wichtermiddig met doeër de jaore haer hieël völ groeëte en klein rolle. Ouch op latere laeftiêd hieët Rosan zich altiêd ingezatte um hieël völ Wieërter wichter via de Boonte Femiêliemiddig kinnis te laote make met de lôl en flawwekûl van ’t fenomeen Vastelaovendj.
’n Paar jaor gelieëje hiet Rosan de oeëverstap gemaaktj nao de (groeëte) Boonte Aovendj en ouch in dieës umgaeving és ’t d’r in geslaagdj um beej völ minse ‘ne lach op ’t gezicht te touvere. En det doeër rolle te spuuële, mer ouch doeër sketches te schriêve en uut te wêrke.
37 jaor
Al met âl hieët Rosan zich 37 jaor ingezatte vör de vastelaovendjveering bij de Rogstaekers. En neet alleîn oppe bühne, mer ouch as daelnemer aan de Groeëte Rogstaekersoptocht en ’t Wieërter Lidjesfestival.
Doeër de jaore haer zeen di-j inspanninge en bieëzighede neet onopgemêrktj vörbeej gegânge. In 2011 waas d’r de beneûming tot Offeseer in de Orde van de Rog, in 2014 koeëm dao de Orde van ’t Kammeräödje beej en in 2023 volgdje de Zilveren Buut van de SLV.
Ieëre-Artieste
Vuuërige waek hebbe de Rogstaekers Rosan al ge-ieërdj doeër de beneûming tot Ieëre-Artieste. As blieëk van waardieëring vör alle verdeênste vör de Wieërter vastelaovendj in ’t algemeîn en vör Stadsvastelaovendjvereînging De Rogstaekers in ’t bezûndjer és Rosan op eure létste Boonte Aovendj beneûmdj tot