Vastelaovendj laeftj in oeës gemeînschap – en de jaorlikse optocht és dao ‘t hoeëgtepûnt van!
Vae zétte os eder jaor in um same mét alle deîlnemers en vreejwilligers ‘ne onvergaetelike optocht te organisieëre mét völ prachtig vertoeën, lôl, meziek, kluuër en flawwekûl vör joonk en aod.
Det organisieëre van dae optocht kósj behâlve hieël wat eurkes van oeës vreejwilligers ouch ‘ne houp gêldj. Dînktj mer ‘s aan ‘t inheure van beejvuuërbieëldj materiaol en professionieële verkieërsregelaars, mer ouch ‘t priêzegêldj és e groeët óngerdeîl van ’t beschikbaar budget.
Mét eur stum via Rabo ClubSupport hêlpdje os um dit prachtige evenemênt ouch kaomendj jaor weer muuëgelik te make.
Eur stuuën draagtj rechtstreeks beej aan ‘t organisieëre van ‘ne wêrvelendje optocht, woeë hieël Wieërt en umstreêke van mej kân geneête.
Zeejae lid vanne Rabobank?
Stúmtj dan op VV de Rogstaekers en laotj zeen dejjae de vastelaovendj ‘n wêrm hért tówdraagtj!
Same make vae d’r weer ‘ne fantastische optocht van.
Alvast bedânktj vör eur stuuën!
👉 STÚMME ÉS MUUËGELIK INNE RABO APP VAN 1 WIS 23 SEPTEMBER! 👈
