De nowwe opzet beej de vuuërstellinge van de Boonte Aovendje en de Boonte Femiêlie Middige van vuuërig jaor és ’n groeët succes geblieëke. Det kwoeëm neet alleîn nao vuuëre in de groeëter cohesie en samewêrking tösse de artieste van dieës twieë geledinge, mer ouch tösse de artieste en de daelnemers uut de ânger groepieëringe.
Ouch dit jaor gaon vae as Stadsvastelaovendjvereîniging De Rogstaekers op dezelfdje voot wieter en hebbe ’n reeks Boonte Aovendje gepléndj woeë dejjae kuntj geneête van ’ne aovendj vôl lôl en flawwekûl mér ouch van zînge en dânse!
Ónger de titel “Hotel op Stêlte” brînge vae ’ne spectaculaire mix van lôl, meziek en bewieëging daejjae neet wiltj misse. Bereidj uch vuuër op ’ne energieke aovendj woeë de grenze tösse lache en meziek waere vervaagdj en woeë de dânsvloer ’t podium és van de lolligste en mieëst verrassendje momênte.
Mét ’ne cast van talêntvôlle artieste en ’ne aovendj vôl lôl en flawwekûl beloeëve vae uch ’n ervaring di-j uch nog lânk zâl beejbliêve. Affeîn:
Check in vör lôl en flawwekûl
Bereidj uch ouch vuuër op ’ne middig vôl lôl en flawwekûl. In oeëze Boonte Femiêlie Middig stieët alles in 't teîke van ’ne gewéldjige tiêd vör joonk en aod. De vrolike show zitj vôl mét lôl, aanstaekelike meziek en zörgtj vör ’n magische ervaring woeë dét de hieël femiêlie van kân kaome geneête.
Binnekort startj de kaartverkoûp!
't Programma:
- Woonsdigmiddig 14 jannewarie 2026: Boonte Femiêlie Middig, 15:30 oor
- Donderdig 15 jannewarie 2026: Boonte Aovendj mét uutreiking van 't Kammeräödje, 19:49 oor
- Vriêdig 16 jannewarie 2026: Boonte Aovendj mét nacht vanne Artiest - fieëstaovendj met DJ, 19:49 oor
- Zaoterdigmiddig 17 jannewarie 2026: Boonte Femiêlie Middig mét uutroping 74e Jeugdpreens, 13:00 oor
- Zaoterdigaovendj 17 jannewarie 2026: Boonte Aovendj Galavuuërstelling mét uutroping 80e Stadspreens, 19:49 oor
(vuuërontvangst 18:30 oor) - Zoondigmiddig 18 jannewarie 2026: Boonte Aovendj (matinee), 13:00 oor
- Zoondigaovendj 18 jannewarie 2026: Boonte Aovendj (aovendj), 19:49 oor
♦ Boonte Aovendj Artieste
♦ Boonte Femiêlie Middig Artieste
♦ De B.O.V.A.G.
♦ One In Motion
♦ Manoeuvre
