Roond de 11e vanne 11e wurtj 't ouch vör völ optochtdeîlnemers meînes, en zieëker as de Vastelaovendjdaag al redelik vreug valle.
Dit jaor véltj vastelaovendjzoondig op 15 fibberwarie, det és dus oeëver 'ne maondj of drej. Rieëje vör de Rogstaekers um de inschriêving vör de optochte te oeëpene,
Want wi-j vreuger de vastelaovendj, des te ieërder wurtj ouch de inschriêvingstermien gesloeëte.
Trekdje mej inne Groeëte Rogstaekersoptocht mét 'ne groeëte of kleine wage, dan hejje de tiêd t/m woonsdig 7 jannewarie.
Vör de ânger deîlnemers és det wis woonsdig 21 jannewarie.
De wichter, di-j oppe maondjig mejdoon in eure eige optocht kriêge wat mieër tiêd. Di-j kunne nog inschriêve wis veer daag van te vuuëre, dus woonsdig 11 fibberwarie.
