Now pinke “Ich bin ‘ne Rogstaeker®” 2026

Dieës dame és zoeë gruuëts wi-j 'ne paw

Allerieërst wi-j ze gevraogdj woeërt um 't pinke vör "Ich bin 'ne Rogstaeker®" 2026 te make.
Daonao, wi-j ze eur ontwêrp good genog vóng um 't in productie te laote neme.
Nog gruuëtser, wi-j ze as ieërste 't pinke te zeen krieëg en noow, wi-j 't pinke vör edereîn te zeen és oppe website en oppe sociale media.
En straks, mette Vastelaovendj, és ze op zien gruuëtst, wannieër ze edere Rogstaeker® gruuëts mét det nówwe pinke, eur pinke, zuuëtj loupe.

En di-j dame és:

Natasja Broens-van Winkel

Oeëver 't ontwêrp wètj Natasja 't volgendje te zégke:

't Ontwêrp van mien pinke és wi-j ich de vastelaovendj zeen:

* 't Masker stieët vör sjieke vastelaovendjpékskes, geïnspirieërdj doeër 't carnaval in Venetië. As dejje mich mette vastelaovendj zeetj, same mét oeës groep, dan wejje zjuust waat ich bedoel.
* De Rog: det ich gruuëts bin um 'n Rogstaekerin te zeen.
* 't Hértje symbolisieërtj mien leefdje vör de vastelaovendj.
* De Naas as symbool vanne Rogstaekers, di-j vuuërop gaon in oeëze Vastelaovendj.
* 't Waope van Wieërt: as teîken van de stad, woeë ich geboeëre en getoeëge bin.

VV de Rogstaekers zeen gruuëts op Natasja!

 
P.S vör ingeschrieëve Rogstaekers®:
Inne loup van dieës waek kriegdje allemaol weer 'n mailtje, woeëmej dejje dit têiken van echt Rogstaekerschap kuntj aafhale beej Warenhuis conceptstore in Cwartier inne Bieëkstraot.

LETJ OP: Vör degieëne, di-j mieër persoeëne via 't zelfdje e-mailadres hebbe ingeschrieëve geldtj, det ze dits kieër mer eîn mailtje kriêge, met dao-in alle name en volgnummers van de minse, di-j mét dit adres zeen opgegaeve. Det és dus 'n verschil mét vuuërgaondje jaore.

Woeëndje mét mieër minse op 't zelfdje fysieke adres, mer staoje ingeschrieëve via verschillende e-mailadresse, dan kân 't zeen, dejje di-j mailtjes neet allemaol oppe zelfdje daag ontvangtj. 't És mer dejje 't wètj.

Zeejae nog altiêd geîne Rogstaeker®, mer wildje noow toch waal zoeë 'n schoeën pinke hebbe?

Det kân! Waerdj Rogstaeker® vör € 11,00 per jaor. Laesj d'r mieër oever oppe speciaal pagina van:

 
These are the moments we live for: Heej doon ve 't vör.
't Ontstaon van 't Rogstaekers®-pinke 2026, treffendj in bieëldj gebrachtj doeër ontwêrpster Natasja Broens-van Winkel