Al di-j wichter, di-j mej dieëje aan eure eige optocht, haaje gelök mét 't waer. Ze koeëme druuëg aan beej 't podium, woeë det ze as beloeëning 'ne snuikbuul én ouch nog 'n herinneringsmedalie krieëge. Det waas nao aafloup van 'ne optocht, woeë dejje as pebliek allein mer kosj geneête van al di-j bli-j gezichtjes inne stoet. Want det waas de beloeëning vör de minse langs de kânt. Mer 't ging um mieër dan wat snuik en 'n medalie. Det blieëk waal beej de prieësuitreiking.
Waat echt opvieël beej dieëze wichteroptocht waas (gelökkig!) 't groeëte aantal aanmeldinge en dan mét name beej de deîlnemerkes vör de Kleine Gouwe Rog. Det zeen de wichter di-j mejdoon mét 'ne zelfgemaakdje kop. Van de aangemeldje 20 optochtnummers ware d'r mer leefst 13, di-j mejdieëje vör de priêze in dieës categorie. En ze maakdje 't de jury knap lastig.
Beej de Zûlvere Knoeëk (det zeen de groepe mét wichter en groeëte minse doeëreîn) ware viêf kânshebbers.
En beej de Broonze Bakfiets met twieë deîlnemers, woeë det 't vörnamelik um de wichter gieët, di-j mét 'n kèrke mejtrekke, waas 't verschil in pûnte hieël êrg klein!
Hieël wat foto's van de Wichteroptocht vingdje ónger de knop
en fotookes van de Priêsuutreiking kujje heej trökvînge
De Priêze
Kleine Gouwe Rog
1. Nr. 2: Phil mét Hamster(k)
2. Nr. 15: Nout mét De klok slieëtj 11 en de rest keumtj vanzelf
3. Nr 9: Sam mét Ich zet dieëze Vastelaovendj oppe kop
Zûlvere Knoeëk
1. Nr. 12: Montessorischoeël mét Mét 1x11 pakke vae uut!
2. Nr. 17: V.V. de Klûnskes mét Vastelaovendj gieët zoeë vlotter; Hocus Pocus doeër Hermelien en Harry Potter
3. Nr. 1: V.V. de Wullemkes mét Vae touvere une lachh op eur gezicht
Broonze Bakfiets
1. Nr. 18: Lisa mét Ich loup mer in mien Eendje
2. Nr. 6: De Luuëker Bawwerkes mét Vae bakke d'r wat van!
