Aafgeloupe vastelaovendj és d'r aafscheid genoeëme van acht lede van de Jeugdraod van 11.
En dét beteîkentj neteurlik det d'r net zoeëvöl wichter gevônge mótte waere um de Raod weer op volle stêrkdje te kriêge vör 't kaomendj sezoen.
Lola Nijs, Nomi Bokken, Reinder Gerards, Sophie Winkelmolen, Milan Overheul, Chloe op den Kelder, Vince Houben en Julie Florack hebbe allemaol 'n oeëvereînkomst geteîkendj, woeë-in stieët det ze volgendj jaor as now lid vanne Jeugdraod van 11 eur bést zulle doon d'r 'ne te gekke vastelaovendj van te make.
Ralf Jongen en Mark van Velthoven van de Rogstaekers zeen same mét RogTillevies-prizzentator Stefan Wolter en cameramân Seph Rademakers alvast beej drej now lede op bezeuk gewaesj, woeëbeej ze de belangriêke vraog hebbe gestéldj of di-j wichter beej de Jeugdraod zoeëje wille kaome. Uut edere moond klônk 'n volmondig "JAO".
Det kujje zeen in dit filmke.
