Pap, oeës mam wiltj beej de Revue
Ónger dit centrale thema kujje de kaomendje Boonte Aovendje en Femiêlie Middige gaon bekieke.
Verwachtj hilarische sketches oeëver dînger di-j vae allemaol kinne. Oeës mam, pap, de bure, de rest vanne femiêlie mér ouch situaties woeë dejjae van dînktj. “Dét kân toch neet waor zeen?!”
Mét ‘n knipoug nao de groeëte tillevisieshows uut de jaore 80 kujjae geneête van ’ne aovendj of 'ne middig aojerwéts lache, mejzînge, kieke en geneête.
Dao mójje beej zeen!
Want weem wètj, misschien kujje oeës mam nog zeen oppe bühne.
De vuuërstellinge zeen wi-j altiêd in 't Munttheater.
De Boonte Aovendje zeen op donderdig 7 en vriêdig 8 jannewarie,
aanvang 19:49 oor.
Wieter op zoondig 10 jannewarie um 13:00 én um 19:49 oor.
De Boonte Femiêlie Middige zeen op woonsdig 6 jannewarie um 15:30 oor
en op zaoterdig 9 jannewarie um 13:00 oor.
Tiêdes dieëze létste middig és ouch de uutroôping van de 75e Jeugdpreens.
Wildjae ’ne kieër de kómplieëte aovendj belaeve mét de uutroôping van 81e Stadspreens van Wieërt, dan zeejjae van hérte welkom op zaoterdig 9 jannewarie tiêdes de Galavuuërstelling mét:
- Vuuërontvângst mét ’n drênkske en ’n hépke
- Pauzedrênkske
- Uutroôping vanne 81e Preens van Stadvastelaovendjvereîniging de Rogstaekers
- “Nacht van de nowwe Preens”, ’ne fieëstaovendj mét live meziek.
Dresscode: black tie