Wichterfieëstmiddig

De wichter hebbe de towkomst 

Heerlik onbezonne, soonger kwaod of schrik vastelaovendj vere: det és precies waat det ’t geveul és beej de Wichterfieëstmiddig. Oeëze hoeëghede oeëpene de middig, métte Jeugdpreens neteurlik vuuërop. Edereîn hieët de kâns um ’t jeugdgevolg te fillisitieëre, mer ouch vörâl te geneête van ‘ne feine optrekkendje middig.

Of dejje now lekker wiltj hosse, zînge, e buulke chips aete of gaer de Jeugdpreens e héndje wiltj gaeve; alles kan op dieëze middig. De jeugd hieët ‘t dieëzen daâg vör ’t zegke en ze make same dan ouch ’t fieësje.

De Jeugdpreens traptj de middig um 13:00 oor aaf, woeënao DJ Jonne alle wichter zal laote hosse. Zoeë wi-j ’t huuërtj zulle de Huppelpupkes neteurlik ouch acte de présence gaeve um de middig met dâns mieër kluuër te gaeve. Gedeurendje de middig zal ouch neme minder dan Clown Desalles alle wichter entertainen met ziene humor en ballonnen en Deindânger zal nog e pompendj optraeje gaeve.

Vanzélfspraekendj és d’r vör de wat groeëtere wichter (laesj: de ‘volwassene’) ouch wat verteer inne vorm van e drênkske.