Op vriêdig 16 jannewarie 2026 waas 'n aafvaardiging van 't SLV-besteur aanwieëzig beej de 2e Boonte Aovendj in 't Munttheater. En de hieëre ware neet mét lieëg hang nao Wieërt gekaome.
Op vuuërdracht van de Rogstaekers woeërt aan Myrthe Peeters de Orde vanne Zilvere Buut uutgereiktj. Myrthe és al vanaaf 2007 betrókke beej de Boonte Femiêlie Middig en in 2025 és dao ouch 'n rol in de Boonte Aovendje beejgekaome.
Bliksemcarrière
Ouch Vorst Jasper Heesakkers woeërt in 't zönke gezatte. In zien 11-jaorig lidmaatschap van de Wieërter Stadsvastelaovendjvereîniging De Rogstaekers és hae in rap tempo van Vuuërzitter vanne PR-kemissie via Kanseleer opgeklomme tot Vorst van de vereîniging. Daorum és aan hem de Orde van Verdienste van de SLV uutgereiktj.
