Van 7 wis 10
JANNEWARIE
Munttheater
Vuuërstellinge op
Do 07-01, 19:49
Vr 08-01, 19:49
Za 09-01, 18:30
Zo 10-01, 13:00
Zo 10-01, 19:49
Pap, oeës mam wiltj beej de Revue
Jao huuër, dao gieët ze weer! Oeës mam hieët heur zinne gezatte um beej de Revue te gaon. En as oeës mam wat in heure kop hieët….dan keumtj ’t d’r ouch!
Dus pap: paktj eure jas, keîmtj eur haor en gaotj mej want dit wurtj geine gewoeëne aovendj mér ’ne Boonte Aovendj vôl lôl en flawwekûl, meziek, zângk en dâns mér vörâl hieël völ gezelligheid.
Verwachtj hilarische sketches oeëver dînger di-j vae allemaol kinne. Oeës mam, pap, de bure, de rest vanne femiêlie mér ouch situaties woeë dejjae van dînktj. “Dét kân toch neet waor zeen?!”
Mét ‘n knipoug nao de groeëte tillevisieshows uut de jaore 80 kujjae geneête van ’ne aovendj aojerwéts lache, mejzînge, kieke en geneête.
Dao mójje beej zeen!
Want weem wètj, misschien kujje oeës mam nog zeen oppe bühne.
De vuuërstellinge zeen wi-j altiêd in 't Munttheater.
Wildjae ’ne kieër de kómplieëte aovendj belaeve mét de uutroôping van 81e Stadspreens van Wieërt, dan zeejjae van hérte welkom op zaoterdig 9 jannewarie tiêdes de Galavuuërstelling mét:
- Vuuërontvângst mét ’n drênkske en ’n hépke
- Pauzedrênkske
- Uutroôping vanne 81e Preens van Stadvastelaovendjvereîniging de Rogstaekers
- “Nacht van de nowwe Preens”, ’ne fieëstaovendj mét live meziek.
Dresscode: black tie