Op vriêdig 29 jannewarie 2027 ésj zoeë wiêt: de 51e Finale van 't LVK wurtj dan in Wieërt gehaoje.
In 't paviljoen aan de Statterbrök hebbe de Stichting Bospop en V.V. de Rogstakers dan alles klaor gezatte vör 'n fantastisch fieëst. Tiêdes dieëze geweldjige aovendj zulle alle aanwieëzige getuûge zeen van dae spannendje wedstriêd mét als inzet 't winne van 't Limburgs Vastelaovesleedjes Konkoer.
Harry en de Gebroeëke Zwiêgelkes
Mer ouch és d’r vanaaf 17:00 oor al ‘n oergezellig programma vuuëraaf, woeë toch echt vör de allerléste kieër nemes minder as Harry en zien Gebroeëke Zwiêgelkes 't podium zulle betraeje. Gae zultj ‘t geleuve of neet, mer ze zeen d’r alle viêf: Harry Zelluff, Joerik Bouwels, Cor Ravenna, Trevor Nuyten en Ben Penders gaon uch wêrm make vör di-j grandioze finale. En det doon ze mét nummers as “Zitj ze heej, dao zitj ze jao”, “Dânse” en “Frikkedel”.
Inne pauze en naodet de winnaar van 't LVK bekindj és, zeen d'r nog spetterendje optraejes, mer dao-oeëver kriegdje binnekort nog mieër te huuëre.
29 JANNEWARIE
17:00
Statterbrök
de LVK-Finale begintj oeëver:
- %D
- %H
- %M
Verkoup kaertjes op zaoterdig 9 jannewarie
As dejje d’r beej wiltj zeen, haodj dan de datum van zaoterdig 9 jannewarie 2027 inne gate. Um precies 13:00 oor startj de online verkoup van kaertjes. Per persoeën kujje maximaal 4 kaertjes koupe vör € 35,00 per stök inclusief servicekoste. Dînktj d’r aan det ‘t êrg drök kân zeen oppe website en dejje in ‘n wachtri-j terecht kótj, want hieël Limburg wiltj beej di-j finale aanwieëzig zeen. . De verkouppagina keumtj dus zaoterdig 9 jannewarie um exact 13:00 oor beschikbaar via dieëze lînk:
