7 FIBBERWARIE
13:00
Wieërter binnestad
De Groeëte Rogstaekersoptocht begintj oeëver:
- %D
- %H
- %M
Zoondig 7 fibberwarie 2027 ésj zoeë wiêt. Dan tréktj vör de 89e kieër de Groeëte Rogstaekersoptocht weer oeëver de Wieërter singels
De route és geliêk aan aafgeloupe jaor, mer mocht eur gehuuëge uch inne steek hebbe gelaote, kiektj effe op 't plaetje.
Létj op: vanaaf 2025 és 't vertrek vervreugdj:
dét és al um 13:00 oor vanaaf de opstelling aanne Parallelwieëg.
(Dus 'n hâlf eurke ieërder as dejje gewindj waasj.)
De deîlnemers zette eur béste beînke vuuër vör ’t pebliek langs de Driesveldlaan, Wilhelminasingel, Kestieëlsingel en Emmasingel tot aan de ontbînging beej de Walburg.
VEILIGHEID VUUËR ALLES!
NB! 'N BELANGRIÊK BERICHT VÖR AOJERS MET JÓNG WICHTER
Létj tiêdes de optocht good op eur jóng. Laotj ze neet spuuële oppe wieëg, woeë ouch de optocht tréktj.
Haodj eur wichter beej uch en zörgtj d'r vör det ze zieëker op drökke en/of smaal pûnte achter de aafrastering bliêve
Chauffeurs van groeëte wages zitte dék ingebawdj en zeen vör 't uutzicht dan aafhânkelik van de minse di-j de wage begeleide.
Mer ouch di-j minse hebbe gein ouge in eure kop en ge mótj d'r neet aan dînke as 'n wècht mét zien spuitbös confetti op 'ne wage wiltj spuite, struûkeltj en dan ónger de wiele van zóeëne wage keumtj.
DE OPTOCHTROUTE ÉS GEIN SPUUËLPLAATS!
Zeejae 'ne nowwe deîlnemer aanne optocht?
Doojae dit jaor vör 't ieërst mej aanne optocht en wejje nog neet woeë dejje oeëverâl vör mótj zörge, en wi-j det aanmelde vör de optocht in zien wêrk gieët?
De Rogstaekers hebbe dao 'n stökske oeëver geschrieëve, woeë-in 'ne houp wurtj uutgelagdj.
Gae zoeëtj 't 'ne "Optocht vör Dummies" kunne neume, mer veultj uch neet beledigdj. Vae wille gewoeën, dejje mekkelik aan de slaag kuntj en geîn belangriêke zake vergaetj.
Laes daorum mer 's 't stök "Gae dootj toch zieëker ouch mej aanne Rogstaekersoptocht" en d'r wurtj 'ne houp duuëdelik.
En hejje nog vraoge.? Steurtj dan gerösj e mailtje nao de sikretaris vanne optochtkemissie. Dae kân uch zieëker wieter hêlpe.
Vuuër en tiêdes de Groeëte Rogstaekersoptocht zeen de wieëge in de binnestad van Wieërt bepêrktj bereikbaar. Alleîn de parkieërgarages aan 't Stationspleîn en beej de Port van Limburg kinne dan waere gebroêktj.
Meziek
De minse langs de kânt kunne neet alleîn geneête van de knouwel en de schoeën wages inne optocht, mer ouch mejzînge en dânse oppe meziek van de kepelle di-j verdeîldj oeëver de route staon:
| Fieëstkepèl Um te Bäöke | Hook Wilhelminasingel - Driesveldlaan |
| Spoeëkejaegerskepèl | Hook Wilhelminasingel - Muuëlestraot |
| Kepèl Gootgemootj | Hook Wilhelminasingel - Bieëkport |
| Kepèl Vae Same | Hook Busseng - Kestieëlsingel |
| Twieë Vuuëraaf | Hook Emmasingel - Oelemêrrentj |
| De Vâlse Loef | Hook Emmasingel - Voeëgelsbleîk |
| Hermeni-j Vannix | Hook Emmasingel - Maasport |
Rogstaekersoptocht
De deîlnemers zeen behâlve de hermenij-je verdeildj oeëver acht categori-jje en doon eur best um ein vanne hoeëfdpriêze inne wacht te sleîpe.
Det és neteurlik de Gouwe Rog vör de deîlnemer met 't hoeëgste aantal pûnte.
Zieër gewildj és ouch de Knouwelpriês vör de mieëst kolderieke deîlnemer.
En dan és d'r ouch nog de Hei-j Up Priês as aanmoediging vör degieëne, di-j vör de ieërste of twieëdje kieër mejdoon en dao as beste uutkaome.
Deîlnemers deêne akkoeërd te gaon mét 't
Optochtreglemênt
| E | Eînlinge |
| K | Koppels |
| TR | Trio's |
| KWT | Kwartette |
| KLG | Kleîn groepe (van 5 wis 10 persoeëne) |
| GRG | Groeëte groepe (vanaaf 11 persoeëne) |
| KLW | Kleîn wages |
| GRW | Groeëte wages |
| HR | Hermeni-je |
De deîlnemers aanne optocht kriegdje heej te zeen zoeë gaw de indeîling bekindj és!