Vastelaovendjmés

De Vastelaovendjmés és 'ne traditionieële start vanne Vastelaovendj.

Op zaoterdig 14 fibberwarie zeejae van hérte welkom um in oeës prachtige St. Martinuskêrk getuuëge te zeen van 'n sfeervolle Vastelaovendjmés. De aanvang és um 15:30 oor.

Neteûrlik kunne vae de Vastelaovendj pas écht beginne as vae de zaengel vanne Daeke gekrieëge hebbe. Alle minse van Wieërt en de boeteni-jje zeen van hérte genuuëdj um heejbeej aanwieëzig te zeen. Met eur schoeënste pékske aan veêrdjae mej, det oeëze schoeëne Vastelaovendj vanuut ’t gelouf ontstânge és. 

Oeës twieë Preense en de Rogstaekersvereîniging zulle uuteraard ouch akte de présence gaeve en de veêring wurtj wieter opgeloêsterdj met live (kepél)meziek in Vastelaovundjsfeere!

Met de zaengel oppe tés kunne vae os vervolges met ’n gerösj hért in ‘t schoeënste fieëst van ‘t jaor gaon storte.

D’r zeen zat zitplaatse, dus eur aanwieëzigheid beej dieëze start vanne vastelaovendj és van hérte aanbevoeële.