En as dan dae Boonte Wichteroptocht és aafgeloupe begintj 't wachte.
Wachte op di-j manne van de Rogstaekers, di-j alle pûnte van de jurylede beej mekaar hebbe opgeteldj en alle wichter vôl spanning laote zitte. En dan ésj zoeë wiêt. De Jeugdpreens ruptj eîn vör eîn de winnaars oppe bühne en maaktj bekindj weem waat hieët gewonne. Ouch dit jaor zeen det de wulbekindje priêze: de kleine Gouwe Rog vör de schoeënste kop, de Zûlvere Knoeëk vör de opvallendjste groeëte groep of de Broonze Bakfiets vör ’n groep wichter met ’n bezûndjer kèr.
En daonao ésj neteurlik fieëst. Hosse, dânse, sprînge mét alle wichter. En behâlve wat te drînke és d'r ouch nog dae snuikbuul. Mer dao gieët niks van mej nao hoês as 't fieëst és aafgeloupe. Op = op!
Mieër info oeëver de wichteroptocht van 2023 vingdje onger de knop
