Oeëpe Podium

Hejjae d'r altiêd al van gedroumdj um 'ne kieër op te traeje oppe de Mêrrentj in Wieërt?
De Rogstaekers beeje uch noow di-j muuëgelikheid.

Op vastelaovendj dieënsdig wurtj d'r namelik 'n Oeëpe Podium gehaoje. In 't kader van 't totaalprogramma "Vastelaovendj inne Stad" wurtj 't podium oppe Mêrrentj gebroêktj um optraejes aan 't publiek te laote zeen.

Weem d'r allemaol mejdoon? Gin flaw benûl, mer tieëge de tiêd det 't zoeëver és , zal heej ouch 't program bekindj waere gemaaktj.

En neteurlik trékke ouch de noeëdige hermeniekes doeër de stad, want de Heremeniekes zeen On Tour.