Video’s 2022

Op dieës pagina un oeëverzicht van video's uut 't sezoen 2022

Völ kiek- en luuësterplezeer.

In de viêfdje en léste aaflevering kaltj Alf Poell met aod-Preens en Ieëre-Vorst Jan Stroek en met zien naef, aod-Boonte Aovendj-artiest en ouch aod-Preens Ed Stroek. Det doon ze beej 'n lekker pilske, kundig getaptj doeër - jaowaal - aod-Preens Marcel Beelen. Ouch börgemeister Raymond Vlecken keumtj aan 't woeërd, dae verteltj woeë 'ne vorst aan mot voldoon.

(Aaflevering 1 t/m 4 staon oppe Videopagina van 2021)

Dit jaor hieët V.V. de Rogstaekers, same met înkel kepélle, 'n aantal minse in 't zunke moôge zétte.
Um verschillendje rieëje kriêge dieës minse inne aanloup nao de vastelaovendj van 2022 'n bezeûkske van 'n delegatie van de Rogstaekers, 'n serenade van de kepél, 'n waalverdeêndje óngerscheiding of 'ne schoeëne bos bloôme.

Op zaoterdig 26 fibberwarie kós de Wieërter binnestad geneête van 'n vastelaovendjconcert vanuut de Martinustoeëre. Terwiêl beiaardier Frank Steijns 't carillon rânseldje en Ronald Moeëne röstig de toetse beroerdje, zônge zien Carien en ouch Stefan Wolter d'r fleenk op los. De vlag ging in top vör de vastelaovendj 2022. Neet de vastelaovendj dae vae vuur auge haaje, mer waal 'ne vastelaovendj um in te liêste.

In Theater de Huiskamer és vriêdig 18 fibberwarie 2022 de 12-jaorige Sjoerd Roelofsen uutgeroope tot de 70e Jeugdpreens van Wieërt. Dit gebuuëre és toen uutgezonde, mer ouch digitaal vastgelagdj. Di-j registratie kujje heej zeen.

Weer gein Boonte Aovendje en Boonte Femiêlie Middige, gein Boorebâl en gein optochte dit jaor. Stefan Wolter wiltj ‘mieër vastelaovendj’ en dáo kân Kanseleer Jasper ‘m mej hêlpe…

Eder jaor kaome de Rogstaekers mét 'n now pinke vör degieëne, di-j zeen ingeschrieëve as "Ich bin 'ne Rogstaeker®". Oppernoets mocht Nelleke Bongers aan de slaag gaon mét 't ontwêrp. Dits kieër hieët Nelleke zich laote inspirieëre doeër de sprookjeswêrreldj en met name doeër trompetterendje heraute. En det hieët gerizzeltieërdj in 'n fleurig en flitsendj speldje.