Op dieës pagina un oeëverzicht van video's uut 't sezoen 2025
Völ kiek- en luuësterplezeer.
87e Rogstaekersoptocht in bieëldj
Zoondig 2 mieërt 2025 trók vör de 87e kieër de Groeëte Rogstaekersoptocht doeër de Wieërter binnestad. Ouch dit jaor maakdje Special Events Productions(s-e-p) dao 'n registratie van, di-j doeër WeertFM és uutgezónde.
Die Höppemötzjer op Jubileumzitting, 21-02-2025
Tiêdes de Jubiläumsitzung beej gelaegenheid van ''t 9x11 jaorig bestaon van VV de Rogstaekers bracht de Keulse dânsgroep Die Höppemótzjer 'n wêrvelendje show op 't tonieël. 'ne Indrök.
Gaeftj mich Wieërt mer mét Vastelaovendj
Op tekst van Mark Bouwmans és 't lidje "Gaeftj mich Wieërt mer mét Vastelaovendj" opgenoeëme beej gelaegenheid van 't 9x11 jaorig jubileum van Stadsvastelaovendjvereîniging De Rogstaekers. De zânk koeëm van 'ne hieële bössel Wieërter artieste, o.a. Ton Wolter, Mark & Wilhelmien, Stefan II Wolter, De Köpkes, Deîndânger, De Broeëds Brothers, Laurens Vossen, Mark Gruijthuijsen en Patrick Hendrikx.
De Stad van Edereîn
Zoeëwi-j edereîn intösse wul wètj és zaoterdig 1 fibberwarie Stefan Wolter uutgeroope tot Stadspreens Stefan II van de Rogstaekers.
Waat d'r in de létste paar oor vuuëraafgieët aan dieës bekindjmaking, kujje zeen in dieëze video van Dion Huiberts.
En det neteurlik oppe meziek van 't speciaal vör dit jaor geschrieëve lidje "Stad van Edereîn", gezônge doeër weem ângers dan Stefan II.
Uutroping 79e Rogstaekerspreens 2025 - Stefan II
Aan 't îndj van de Gala Boonte Aovendj op zaoterdig 1 fibberwarie 2025 woeërt Stefan Wolter uutgeroope tot Stadspreens Stefan II van de Rogstaekers. Stefan II hieët de "Orde vanne Zîngendje Zwetser" ingesteldj. Hae regieërtj ónger zien devies "Dit és zoeë schoeën, baeter gaon vae ’t neet kriêge!"
('n Registratie van Special Events Productions [s-e-p], uutgezonde doeër WeertFM)
Uutroping 73e Rogstaekers jeugdpreens 2025 - Lex I
Aan 't îndj van de Boonte Femiêliemiddig op zaoterdig 1 fibberwarie 2025 woeërt Lex Willekens uutgeroope tot Jeugdpreens Lex I van de Rogstaekers. Lex I hieët de "Orde van 't Braaf Mènke" ingesteldj. Hae regieërtj ónger zien devies "Wichter neet te braaf, Kaaktj met mich mej: Wieërt ALAAF, Wieërt ALAAF, Wieërt ALAAF!"
('n Registratie van Special Events Productions [s-e-p], uutgezonde doeër WeertFM)
't 9x11 Jubileumlogo
Mark Koppen en Vorst Jasper gaeve in dieëze video tekst en uutlegk oeëver 't 9x11 Jubileumlogo
