Op dieës pagina un oeëverzicht van video's uut 't sezoen 2026
Völ kiek- en luuësterplezeer.
Tiêdes de Vastelaovendj Sitzung op 6 fibberwarie waas d'r ouch 'n spectaculair optraeje van de Vegder Diddeldöpcher St. Vith. 'n Korte impressie.
Waat motieëvertj de wagebawwers um eder jaor zoeë'n creatie nieër te zette? Same mét ZDH Henk III en de Optochtkemissie vraoge we det aan hun, En
woeërum stelle de eigenare hun loeëds aan di-j bawwers ter beschikking? Prachtige initiatieve toch!
Wi-j gieët 't noow mét oeës hoeëghede nao twieë waeke as Preens? Eur ervaringe. Daonaeve gaon vae ouch kieke beej 't evenemênte-kefee van V.V. De Rogstaekers: De Apollo. Dit kefee és in 't laeve gerope um de Wichtervastelaovendj wat extra te óngerstuuëne.
In dieës aafleêvering speciaal aandacht vör de Uutroping vanne twieë now Hoeëghede. Zoeë begoste vae métte vraog: weem wurtj 't.
Inne middig koste ve kieke wi-j det Stadsjeugdpreens Casper I woeërt uutgerope en dao zien fieësje bawdje. Innen aovendj mochte vae backstage beej oeëze nowwe Stadspreens Henk III kieke en hem wat vraoge stelle vuuër zien uutroping.
Vae blikke trök: in 'ne good gevöldje SooS zooge de minse Nick van Ham wieër d'r van doeër gaon métte Fried van Dooren trofee - de winnaar van 't Wieërter Vastelaovendj Lidje 2026. Mer waat gebuuërtj d'r achter de schêrme? Zoeë ouch de Boonte Aovendje - waat bewieëgtj de minse achter de schêrme um d'r zoeë vôl vör te gaon mer ouch um as gast te gaon kieke
’t Vastelaovendjsezoen és begonne en daomej ouch wieër Rog Tillevies! De Boonte Femiêlie Middig enne Boonte Aovendj staon op ’t pûnt te beginne, mer weem zeen de gezichte achter dieës vuuërstellinge, waat gebuuërtj d’r inne vuuërbereîdinge? Det zeeje allemaol in dieës aafleêvering.
Umroop P&M uut Panningen hieët op vriêdig 14 november 2025 'n leuke reportage gemaaktj oeëver de bekindjmaking, det de LVK-finale in 2027 in Wieërt wurtj gehaoje.
Op dieënsdig 11 november 2026 woeërt beej de oeëpening van 't nowwe Vastelaovendjsezoen 't nowwe pinke, det beej "Ich bin 'ne Rogstaeker®" huuërtj, geprissentieërdj. Vorst Jasper stéldje de maakster aan os vuuër. De maakster Natasja Broens stéldje 't pinke aan os vuuër.
