Hermeniekes on Tour
Wieërter hermeniekes blaoze met vastelaovendjdieënsdig nog mieër now laeve inne meziek. Vanaaf 11:00 oor és d'r generale repetitie beej de Tramhalt ónger leî-jing van de Wieërter vastelaovendjdirigent Tjeu Snoek. Roontelum 14:30 oor zörge ze vör 'n grandioos spektakel beej de start van 't oeëpe podium oppe Mêrrentj, tössedoeër en daonao gaon de kepelle nao verschillendje kefees . De volgendje kepèlle zeen in eder gevâl vanne perti-j: Gootgemootj, Hermeni-j Vannix, Hermeni-j De Kompeni-j, Vâlse Loef, de Hei-j Bieësembîngers, Leipe Lup, As Arraias, Percussive Interlude en Um te Bäöke.
Artiestekerresjel / Oeëpe Podium
In de tiêd det de hermeniekes roondtrékke hoofdjae uch neet te vervaele, want vanaaf 14:00 oor és d'r oppe Mêrrentj 'n artiestekérresjel, di-j wurtj aafgewisseldj mét 'n oeëpe podium vör edereîn, dae dînktj det hae waat kintj, det 't pebliek mót zeen of huuëre.
De presentatie heejvan és in hang van Mark Gruijtuijsen en Silvester Vleeshouwers.
As dejje meej wiltj doon aan dit oeëpe podium, gaeftj uch dan effe op via info@vvderogstaekers.nl, zoeëdet vae 'n gooj indaeling kunne make.
