02 MIEËRT
20:00
Mêrrentj, Wieërt
De Priêsuutreiking begintj oeëver:
- %D
- %H
- %M
- %S
mer gae hooftj uch nao aafloup van de optocht neet te vervaele!
Nao aafloup vanne optocht hebbe de deîlnemers en 't pebliek neteurlik nog effe de tiêd um wat te gaon drînke en 'n hepke te aete.
In de telkamer van de optochtkemissie és dao op det memênt geine tiêd vör. Dao motte alle juryliêste waere verzameldj en per categorie waere dan de pûnte vanne dêilnemers opgeteldj. Uuteindelik kan dan de stând waere opgemaaktj en és dao al bekindj weem d'r inne priêze veltj.
Det beteîkentj wul, dat vör ederîn nog een uutslaagkaart mot waere aangemaaktj met dao op 't aantal pûnte en (ouch neet onbelangriêk) 't gewonne gêldjbedraag. De verzamelliêste waere gesortieërdj op categorie en pûnte, zoeëdet beej de priêsuutreiking alles op volgorde klaor ligktj.
Um uch toch te ammesieëre zulle d'r zoeëwaal vuuër as tiêdes de priêsuutreiking de noedige artieste optraeje. Weem det zeen kunne ve waal verklappe, mer wi-j laat, det blieftj nog effe geheim.
Vanaaf 'n oor of hâlf viêf kujje in eder gevâl, mer in willekuuërige volgorde verwachte:
Broeëds Brothers
Mark & Wilhelmien
Moerepetazie
De Köpkes
Mark Gruijthuijsen
Kartoesj
Deindânger
En dan kân roond 20:00 oor de uutreiking beginne.
De daelnemers zeen aanwieëzig, mer wul gespanne.
D'r wurtj wat gedrônke, artieste brînge de stumming d'r good in, mer wi-j later det 't wurtj, wi-j mieër de zieënewe gaon opspuuële.
De spanning wurtj royaal opgebawdj en d'r veltj nog mer 's 'ne "3x Wieërt Alaaf" op al di-j optochtdeîlnemers.
Tot det 't memênt dao és en bekindj wurtj gemaaktj weem toch dae Gouwe Rog hieët gewonne. En dan gieët de Mêrrentj hieëlemaol uut zien daak.