Beschriêving
Ónger ‘t motto “9×11 jaor: Bekans ieëwig joonk” schrieëve De Rogstaekers aafgeloupe zoeëmer ‘ne ontwêrpwedstriêd uut ter ieëre van ‘t 9×11-jaorig bestaon. Verschillendje Wieërter creatievelinge steurdje heur ideeë in. Uuteindelik koeës de vakjury ‘t ontwêrp van Vastelaovendj-leêfhebber Mark Koppen.
Mark Koppen: “Ich woeëj vörâl de jeugd en de tówkomst benaodrökke. ‘t Dânsmarietje (Huppelpupke) symbolisieërtj dét. Oppe achtergrónd zeejjae de skyline van Wieërt met herkinbaar gebouwe. Neteurlik zeen ouch ‘t Köpke en de Gouwe Rog, di-j De Rogstaekers zoeë typieëre, óngerdael van ‘t gehieël. ‘t Gehieël dréjtj um lôl, plezeer en meziek, zjuust wi-j de Vastelaovendj. ‘t Logo keumtj voeërt uut ‘n book det ‘t nowwe hoeëfdstök van 99 jaor Vastelaovendj in Wieërt inloetj.”
Dit pinke és in gelimitieërdje oplaag verkriêgbaar. Besteltj ze heej um d’r zieëker van te zeen dejjae gruuëts ein exemplaar kintj drage.
