Rogverbörre en Abdicatie Preense

Aan alles keumtj 'n îndj, ouch aanne Vastelaovendj. Dao kujje getuûge van zeen oppe Mêrrentj, as op dieënsdigaovendj roond acht oor saoves oeës Preense de fakkel inne hând neme en daomej 't roggebieëst aanstaeke. En dan wejje, det 't bekans és aafgeloupe. De Preense wurtj eure sluuëtel en vaere aafgenoeëme en heite weer, wi-j ze doeër de pap en mam zeen geneumdj. De klokke vanne kerktoeëre beginne te lowwe en nog eîne kieër klînktj 't:

♫♪ t És verbeej,'t és gedaon, vae motte noow nao hoês tow gaon ♫♪

En op asgoonsdig 'n assekruûske hale....