14 FIBBERWARIE
13:00
Stadhoês, Wilhelminasingel 101, Wieërt
De Sluuëteloeëverdracht begintj oeëver:
- %D
- %H
- %M
Op zaoterdig 14 fibberwarie 2026 zâl de macht oeëver de Stad Wieërt waere oeëvergedrage aan ‘t vôlk!
‘t Startsein van drej dolle daag woeë in Wieërt zich weer zâl óngerdômpele in ‘t Vastelaovundjfieëst!!
De Preense van Stadsvastelaovendjvereîniging de Rogstaekers zulle dae daag um 13:00 oor doeër Opper-Opper-Rogstaeker Raymond Vlecken en zien college van B&W waere ontvânge op ‘t Stadhoês.
Ouch gae, minse van Wieërt, zeêtj allemaol van hérte genuuëdj um heejbeej aanwieëzig te zeen.
Tréktj eur schoeënste Vastelaovendjpékske aan en zeêtj getuuëge van de spitsvondige speeches woeë-in oeëver en weer op ‘n humoristische meneer flînk de maot genoeëme wurtj.
As det achter de rögk és, zulle oeës Stadspreense de Sluuëtel vanne Stadsport én de Sluuëtel van ’t Stadsachterpörtje ontvânge.
Daomet zulle dieës twieë gewoeën Wieërter jónges vör drej daag lânk de hieërsers van Wieërt zeen en és de macht daadwêrkelik aan ‘t vôlk!
Nao aafloup gaon allebej de Preense de zaengel vanne Daeke hale inne Vastelaovendjmés um saoves (roond 20:11 oor) de aoje Rog van Wieërt op gaon te hânge oppe Mêrrentj, as teîken det de macht aan ’t vôlk és.
