01 MIEËRT
13:00
Stadhoês, Wilhelminasingel 101, Wieërt
De Sluuëteloeëverdracht begintj oeëver:
- %D
- %H
- %M
Op zaoterdig 1mieërt 2025 zulle twieë gewoeën Wieërter jónges de macht oeëver de Stad Wieërt in háng kriêge. Dan zulle de nowwe Stadspreens en Jeugdpreens vör drej daag lânk de hieërsers van Wieërt zeen.
Tiêdes de Sluuëteloeëverdracht in ’t Stadhoês zulle Opper-Opper-Rogstaeker Raymond Vlecken en zien college van B&W de Sluuëtel vanne Stadsport én de Sluuëtel van ’t Stadsachterpörtje uutreike aan de Preense van de Rogstaekers.
Vanaaf dét momênt és Wieërt drej daag inne ban van de vastelaovendj. Vanaaf dét momênt és de Macht aan 't vôlk!
Gae zeêtj van hérte genuuëdj um vanaaf 13:00 oor in ’t Stadhoês aanwieëzig te zeen beej de Sluuëteloeëverdracht, di-j gepaardj zal gaon met schêrpe speeches oeëver en weer. Laotj zeen dejjae ‘ne gruuëtse Wieërter Rogstaeker zeêtj en kótj verklédj nao ’t Stadhoês aane Wilhelminasingel um dit uniek evenemênt beej te woeëne.
Nao aafloup gaon allebej de Preense ieërst nao de Vastelaovendjmés um daonao (roond de klok van hâlf viêf) de aoje Rog van Wieërt op te hânge aan ’t bordes van ’t aod stadhoês oppe Mêrrentj.