In 2025 veertj Wieërt e bezûndjer jubileum: 100 jaor Wieërter Vastelaovendjmeziek.
Ter ieëre heejvan slaon Stadsvastelaovendjvereîniging de Rogstaekers en Harmonie St. Joseph 1880 Weert de hang ineîn vör 'n unieke en fieëstelike vuuërstelling, woeë-in de riêke en muzikale historie van de Wieërter vastelaovendj centraal stieët.
Op zaoterdig 22 november 2025 vînge in 't Munttheater in Wieërt twieë vuuërstellinge plaats, namelik um 14:30 en um 20:00 oor.
De kaartverkoup és intösse gestartj. Kaartjes kóste € 25,00 inclusief e pauzedrênkske.
Unieke muzikaal belaeving
In ’n informeel en gezellige sfeer brînge vae de plezeerige en fieëstelike klânke di-j Wieërt zoeë bezûndjer make. Van klassiekers wis aan de léste now lidjes, alles keumtj vörbeej. Neteurlik moog de lôl en flawwekûl neet ontbraeke. Gae kuntj ‘n vuuërstelling vôl humor, meziek en puur gezelligheid verwachte.
De samewêrking tösse Stadsvastelaovendjvereîniging de Rogstaekers en Hermeni-j St. Joseph 1880 stieët garânt vör ’n unieke muzikaal belaeving.
Same zulle ze ‘n show nieërzétte di-j de hérte van joonk en aod zâl verouvere.
Same mét ónger ângere Ronald & Carien, Stefan Wolter en Ton Wolter bringtj Harmonie St. Joseph 1880 bekindje en geleefdje vastelaovendjlidjes ten gehuuëre: van nostalgische klassiekers tot modern mejzîngers. De prissentatie és in hang van Brenda Wijen en Gijs Wullems, woeëmej dejje behâlve meziek ouch e vuuërstelling vôl humor en plezeer kuntj verwachte.
Dieës vuuërstelling és neet allein vör de meziekliefhebber, mer ouch vör edereîn, dae de (Wieërter) Vastelaovendj in ‘t hért draagtj.
Kótj same met os de gescheêdenis van dieës prachtige traditie veere!
Vastelaovendjmeziek és 'n laevendje traditie, di-j generaties verbîngtj en 'n unieke plek inneemtj in de Wieërter cultuur. Mét dieës jubileumvuuërstelling wille de organisieërendje vereîniginge 'n ieërbetoeën brînge aan det muzikale êrfgood én same vuuëruut kieke.
