Beej de uutroping van Stefan Wolter tot Stadspreens Stefan II van Stadsvastelaovendjvereîniging de Rogstaekers lancieërdje de nowwe Hoeëgheid ’t lidje ‘Stad van Edereîn’. In dit lidje wurtj de essentie van vastelaovendj as verbîngendj fieëst uutgedröktj.
’t Weerspeegeltj de unieke sfeer van Wieërt en de saamhuuërigheid, di-j vastelaovendj mét zich mejbringtj.
’t Lidje beschrieftj de riêke tradities, de gemeînschapszin en de bliêdschap, di-j ’t vastelaovendjfieëst in Wieërt en ver dao boete losmaaktj. ‘Stad van Edereîn’ és ’n stieëvige boeëdschap oeëver ’t feit, det vastelaovendj en meziek alles en edereîn verbingtj.
Single
De reacties op ’t nummer nao zien uutroping zeen wis noow tow zoeë oeëverwêldigendj, det d’r ‘ne single van és uutgebrachtj.
Stefan: “De reacties kaome uut allerli-j heuk, en de eîn és nog schoeëner en leever as de ânger. En det és zjuust, wi-j mien devies ‘Dit és zoeë schoeën, baeter gaon vae ’t neet kriêge’ bedoeldj és.”.
De videoclip van ‘Stad van Edereîn’ és rechtstreeks te bekieke op YouTube of via dieës website.
En net wi-j de tekst kân ouch de mp3 gratis waere gedownloadj op de website van ZDH Stefan II: www.stefanwolter.nl
Op di-j website kujje ouch mieër informatie vînge oeëver Stefan en ziene meziek.
