Zoondig 11 jannewarie 2026 woeërt beej de SooS oppe Mêrrentj de finale gehaoje van 't Wieërter Vastelaovendj Lidjes Festival (WVLF).
De winnaar heejvan wètj zich verzieëkerdj van de noeëdige optraejes, want 't festival wurtj gestuuëndj doeër De Brökwagters, De Vêrkusköp en De Rogstaekers.
Tot de finale ware doeërgedroônge:
Erik Fikken
Stefan Wolter
Linda Heuvelmans
Deindânger ft. ALAAV
Ronald en Carien
Mark Gruijthijsen (De Gruijt)
Nick van Ham & Harriëtte
De Köpkes.
Um 17:30 oor woeërt de uutslaag bekindj gemaaktj. Oppe 3e plaats eindigdje Stefan Wolter (Laaj di-j laaj leeg), 2e woeërte Deindânger ft. ALAAV (Poompe) en de winnaar van de Fried van Dooren Wisseltrofee ging van Moerepetazie, de winnaars van 2025, oeëver nao Nick van Ham, dae mét zien (pop) Harriëtte duuëdelik de leêveling van 't in groeëte getale aanwieëzige pebliek waas.
